ປັກກິ່ງ, ວັນທີ 16 ຕຸລາ (ຊິນຫົວ) — ຂໍ້ມູນອຸດສາຫະກໍາສະແດງໃຫ້ເຫັນວ່າ ກໍາລັງການຜະລິດແບັດເຕີຣີພະລັງງານຂອງຈີນໄດ້ເພີ່ມຂຶ້ນຢ່າງໄວວາໃນເດືອນກັນຍາ ທ່າມກາງການເຕີບໂຕຂອງຕະຫຼາດລົດຍົນພະລັງງານໃໝ່ (NEV) ຂອງປະເທດ.

ເດືອນແລ້ວນີ້, ກຳລັງການຜະລິດແບັດເຕີຣີພະລັງງານສຳລັບລົດໄຟຟ້າພະລັງງານໃໝ່ (NEV) ໄດ້ເພີ່ມຂຶ້ນ 101.6 ເປີເຊັນ ເມື່ອທຽບໃສ່ປີກ່ອນ ເປັນ 31.6 ກິກະວັດຊົ່ວໂມງ (GWh), ອີງຕາມສະມາຄົມຜູ້ຜະລິດລົດຍົນຈີນ.

ໂດຍສະເພາະ, ແບັດເຕີຣີລິທຽມທາດເຫຼັກຟອສເຟດ (LiFePO4) ປະມານ 20.4 GWh ໄດ້ຖືກຕິດຕັ້ງໃນລົດໄຟຟ້າພະລັງງານໃໝ່, ເພີ່ມຂຶ້ນ 113.8 ເປີເຊັນຈາກປີກ່ອນ, ເຊິ່ງຄິດເປັນ 64.5 ເປີເຊັນຂອງປະລິມານທັງໝົດຕໍ່ເດືອນ.

ຂໍ້ມູນຈາກສະມາຄົມລົດຍົນສະແດງໃຫ້ເຫັນວ່າຕະຫຼາດລົດຍົນ NEV ຂອງຈີນຍັງສືບຕໍ່ຮັກສາການເຕີບໂຕໃນເດືອນກັນຍາ, ໂດຍຍອດຂາຍລົດຍົນ NEV ເພີ່ມຂຶ້ນ 93.9 ເປີເຊັນຈາກປີກ່ອນໜ້ານີ້ ເປັນ 708,000 ຄັນ.